ni'o do cizra fi lo ka kufra .i ku'i .ei na pajni ie pei .i do zifre lo ka ze'e stali .i ju'o do sanji lo du'u lo remna cu nitcu tu'a lo cidja lo ka jmive .i ji'a ju'o do djuno lo du'u na ka'onri'a lo remna fa lo nu ze'a lo barda ry claxu lo solgu'i .i ku'i ke'u do zifre\n ni'o do ma zukte\n*[[tugni fi lo du'u lo nu cliva cu xagmau]]\n*[[za'o kufra .i pau nai ma .ei tervai mi lo du'u lo drata ma kau jinvi]]
ni'o do ri'ekla ve'a lo cmalu gi'e ba bo tsali tikpa lo vorme .i .oi ro'o sai .i lo pritu jamfu cu simlu lo ka ba'o porpi ri'a lo nu janli lo vrogai noi ui nai za'o zvati lo mintu gi'e na pu porpi .i je'u mabla ni cortu lo jamfu .i ku'i ba za lo mentu be li so'o lo ni cortu cu jdika .i la'a do pu se spaji sa'u lo nu lo vrogai ka'e tai jdari .i do cipra stapa fi lo pritu .i cortu milxe .i ku'i na dukse\n ni'o do za'u re'u troci .i ca lo ca krefu do xagmau fargau lo jamfu lo mapti pagbu be lo vrogai .i tikpa .i sance fa da poi smimlu lo nu porpi milxe .i .ei krefu troci .i do ri'ekla gi'e tsali tikpa .i lo vrogai cu porpi uo\n ni'o fau lo nu tatpi gi'e ku'i ckaji lo cnino kamvirnu ri'a lo nunsnada zo'u do vimcu lo pagbu be lo vrogai poi za'o zvati .i do viska lo te vorme .i xekri nunmanku\n ni'o do pu no roi nelci lo nunmanku (to je'u do terpa milxe toi) .i ku'i do djuno lo du'u pa po'o da pluta lo bartu .i se mu'i bo do ma zukte\n*[[dukse lo ka terpa lo nunmanku .i stali lo selzva gi'e denpa|stali lo selzva gi'e denpa]]\n*[[mi stapa fa'a ne'i lo nunmanku]]
ni'o lo do degji cu lamji muvdu fo lo korbi be lo vrogai .i ku'i no lo tersei zo'u lo se kuspe cu banzu lo nu lo degji cu jgari lo vrogai korbi te zu'e lo nu lacpu \n ni'o sarcu fa lo nu do troci lo drata\n*[[poptikpa lo vrogai tai tu'a lo skina prenu]]
ni'o do virnu farmu'u .i ba zi sai ku do mulno jinru lo manku .i lo ji'a sai xance poi crane lo flira cu nonselji'u .i lo do kanla bu'u na plixau do .i do ga'orgau ky gi'e se ba'i jundi lo se tirna .e lo se ganse pe lo jamfu .i do fa'a ca'u muvdu .i do kanpe lo nu tolcliva lo bitmu .i ku'i lo re moi be lo kumfa cu simlu lo ka bramautce lo pa moi .i balku'a\n ni'o ca lo nu do ba'o cadzu ze'a lo simlu be lo ka mentu li so'i cu pa re'u tirna da poi drata lo sance pe lo do jamfu .e lo nu vasxu\n*[[mi klasti gi'e tinju'i]]\n*[[mi ranji cadzu .i na djica lo nu stali se mau lo sarcu]]
ni'o do co'a sisku .i bu'u lo ci moi be lo bitmu do snada .i lo tolci'o mutce ke mudri vrogai cu tolcru lo nu do pagre\n ni'o xu do troci lo ka kargau ?\n* [[li'a go'i .i na djica lo nu ze'e zvati lo vi rigni malkevna]]\n* [[na go'i .i kufra lo ka stali]]\n* [[lo troci po'o na snada .i mi ba'e kargau .i lo mi seldji cu ro roi fasnu]]
ni'o do jdice lo du'u do stali lo kumfa .i do denpa .i ku'i ba za ku do tolmorji lo du'u do ma kau denpa kei gi'e co'a tatpi .i lo nu sanli cu se tolsurla do .i se mu'i bo do ba za tsebi'o \n ni'o lo cacra be li xo kau cu prubi'o .i do taske gi'e xagji .i ku'i li'a no cidja cu zvati .i mu'i ku do vrebi'o gi'e sipna ku'i do ba no roi za'u re'u cikybi'o .i do morsi .i ku'i do'a nai do .e no drata pu jdice lo du'u ma kau do dimna .i ui dai ...\n\n''fa'o''
ni'o do za'u re'u krixa .i lu JUUUUU'IIIIIIIII li'u .i du'i lo me lo purci moi no da spuda .i ga nai je'u no da zvati lo jibni gi lo zvati na termu'i lo nu sidju\n ni'o li'a pa da tercu'a\n*[[sisku lo vorme]]
ni'o do randa .i la'a do pu malxarnu po'o .i cumki fa lo nu lo nu zvati lo tai kevna cu rinka lo nu bebna milxe .i mu'i ku do so'o roi jalsimgau lo xance .i ja'e bo do di'a cinmo lo ka xamgu cikna\n ni'o do ma zukte\n*[[sisku lo vorme]]
ni'o do cikybi'o ne'i [[lo cmalu kumfa]] .i do na morji lo du'u do ta'i ma kau zvabi'o .a lo du'u ma kau ditcu lo nu zvati .i ji'a do sedycro .i do ma zukte\n* [[krixa te zu'e lo nu da sidju]]\n* [[sisku lo vorme]]
ni'o do ra'irgau lo nu cadzu masno .i ba za bo do tolcliva lo cnino bitmu noi do na viska gi'e ku'i pacyga'e .i do lo xance cu muvdu fo lo sefta .i lenku gi'e rufsu vau du'i tu'a lo pa moi be lo kumfa .i ... ua lo drata vrogai .i marji lo jinme\n ni'o ui sai ka'e muvgau vy .i lo carmi gusni cu nerbi'o lo manku balku'a .i ca lo nuncfa do ga'orgau lo kanla ri'a lo nu gusni .i ku'i ba za bo do snada lo ka viska lo bartu .i lo melbi ke crino srasu jo'u lo klina ke blanu tsani zo'u do pu na djuno lo du'u lo re mei ka'e tai kukte .i do barkla lo do manku mabla bo kevna lo fau lo nu geitce lo nu za'o jmive gi'e di'a zifre\n \n''fa'o''
ni'o do jdice lo du'u do stali lo kumfa .i do denpa .i ku'i ba za ku do tolmorji lo du'u do ma kau denpa kei gi'e co'a tatpi .i lo nu sanli cu se tolsurla do .i se mu'i bo do ba za tsebi'o \n ni'o lo cacra be li xo kau cu prubi'o .i do taske gi'e xagji .i ku'i li'a no cidja cu zvati .i mu'i ku do vrebi'o gi'e sipna ku'i do ba no roi za'u re'u cikybi'o .i do morsi .i ku'i do'a nai do .e no drata pu jdice lo du'u ma kau do dimna .i ui dai ...\n\n''fa'o''
ni'o do krixa lu JU'I .I XU DA TIRNA .I XU DA ZVATI li'u .i ku'i no da fasnu .i do simlu lo ka nonkansa\n ni'o ca ku do ma zukte\n* [[sisku lo vorme]]\n* [[za'u re'u krixa]]
lo nu barbi'o
ni'o no drata cu jai se kanpe fai tu'a lo virnu remna .i do lafti lo xance gi'e jairbi'o lo batke be lo vrogai .i ue lo jinme cu lenku mutce .i do cargau lo batke\n ni'o lo vrogai cu masno carna gi'e curmi lo nu lo xekri nunmanku be ti'a vy cu se viska .i je'u do na kakne lo ka sajbi'o lo du'u ma kau zvati lo drata kumfa .i ro da mulno xekri\n ni'o do na nelci lo nunmanku (to je'u do terpa milxe toi) .i ku'i do djuno lo du'u pa po'o da pluta lo bartu .i se mu'i bo do ma zukte\n*[[dukse lo ka terpa lo nunmanku .i stali lo selzva gi'e denpa|stali lo selzva gi'e denpa]]\n*[[mi stapa fa'a ne'i lo nunmanku]]
ni'o lo nenri cu manku milxe .i pa laktergu'i cu sanli lo pa kojna .i lo bitmu cu marji lo jdari je rufsu rokci .i lo vacri cu simlu lo ka tolvifne .i no da canko .i je manku dukse fi lo nu djuno lo du'u xu kau da vorme
ni'o do klasti gi'e tinju'i .i denpa .i ku'i lo sance na za'u re'u se tirna .i sy mo sei do kucli .i ku'i la'a xagmau fa lo nu da'i do cliva gi'e ba po'o bo pensi lo du'u ma kau pu zi sance ma kau .i lo nu ba'e //cliva// cu vajrai ie pei\n*[[ie .i .ai di'a cliva troci|mi ranji cadzu .i na djica lo nu stali se mau lo sarcu]]
ni'o do tai tu'a lo ci roi munje balji'a cu birti lafti lo xance gi'e jai gau muvdu xy fa'a lo batke be lo vorme .i do jairbi'o gi'e sutra lacpu .i je ... lo batke cu sepybi'o >_<\n ni'o do bebna sanli ca'u lo vrogai fau lo nu jgari lo noi ca sepli vy ku'o batke kei gi'e sajbi'o lo du'u do pu vlile dukse lacpu .i da'i do se zanfu'a lo nu lo vorme cu za'o ka'e se kargau ta'i lo drata\n ni'o do mo\n*[[poptikpa lo vrogai tai tu'a lo skina prenu]]\n*[[sisku lo tersei be lo vrogai bei lo rokci bitmu]]